賀台慶


個人分享
Tagged With: , , , , , , , , ,

「討論」

今日最多人討論嘅一定係「萬千呃Like賀台慶」,而當中有支持有批評。雖然大家都知道佢哋資源有限,而且好多都唔係藝人,而今次搞台慶好大關係想承接之前嘅成功。不過要在係短短幾個月嘅時間籌備咁大型嘅騷真係有點難度。其實佢哋係唔係急咗啲?定係上次已經用盡所有嘅腦汁?繼續用現在嘅方法可以維持幾耐?

「評價」

好多人都好期待「毛記電視」嘅「萬千呃Like賀台慶」但係點知期望越大失望越大。之前嘅「十大勁曲金曲分獎典禮 」真係實在太過成功,所以大家都已經有一個好高嘅期望。不過台慶開始咗半個鐘頭左右,係社交平台已經俾好多人批評話好悶,而事實上真係幾悶。雖然間唔中都有啲好睇嘅環節,不過都挽救唔到整體嘅劣評。

「改變」

今次嘅台慶其實暴露咗唔少「毛記電視」嘅弊病。當然我哋唔會同大台作比較,而大家都知道佢哋花咗好多心機同時間去籌備。只不過係唔係可以用資源有限作下台階?咁就見仁見智啦!講真佢哋已經成功影響咗整個行業,之後嘅路點樣行就好睇佢哋嘅做化。肯定嘅係而家嘅模式大家已經習慣咗,係時候有一啲新嘅突破!


Also published on Medium.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.