茶涼了

「朋友」

出咗嚟做嘢之後其實可以認識到一個交到心嘅朋友真係好難,好多時所謂嘅良朋知己都只會停留係工作層面。好多時真係因為大家嘅工作環境改變咗,就算一齊做嘢嘅時候有幾咁老友都好,一分開之後慢慢就會變得疏遠。就算你想經營都無辦法,因為始終大家嘅工作環境唔同咗。人去樓空,講真有幾多人真係在乎?

「茶涼」

因為最近少咗時間上社交平台,好多嘢其實都係要等到自己靜靜地做嘢嘅時候先至可以睇返!而無意中係社交平台見到莊偉忠講咗句見盡無數「人走茶涼」,「人去情在」,其實真係無錯,因為我亦都經歷過。慶幸嘅係我仲同好多以前嘅老闆同客戶都仲有聯絡,而佢哋亦都好關心我。但係其實係好多時當你離開咗之後,佢哋都已經忘記咗你。

「安慰」

前嗰排同自己以前嘅團隊傾偈,雖然離開咗七年,但係佢哋都仍然會不時提起我。有時覺得真係老來安慰,因為自己一手培養嘅團隊依家都已經各自各精彩,相比起我當年仲更勝一籌!好多時嚟個先至係我想留俾我嘅團隊!我唔要最好,因為要好過最好!我唔怕佢哋超越我,因為如果無辦法超越我係我嘅失敗。當然自己亦都要進步先得啦!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Click to share on Facebook (Opens in new window)Click [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Click to share on Facebook (Opens in new window)Click [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Click to share on Facebook (Opens in new window)Click [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Click to share on Facebook (Opens in new window)Click [...]