人無常

「人生」

每個人嘅一生總有起起跌跌,生老病死雖然係定律無人可以改變。雖然我唔係七老八十,而身邊大部份嘅朋友都有穩定嘅工作,有一個美好嘅家庭。佢哋都仍然努力工作,享受人生,有仔女嘅當然希望俾最好嘅嘢佢哋。但係每一次當知道身邊嘅朋友有事,其實都會有啲驚訝,因為大家年紀相若,點解嚟啲事情會發生係身邊嘅朋友身上。

「無常」

人生無常,珍惜眼前人,我相信個個都識講,但係幾多人真係可以做到?好多嘢都無可能計算到,今日唔知聽日事,只要自己盡咗力,就算結果係點都唔緊要,最起碼對得住自己!人就算幾堅強都好,總有脆弱嘅時候,所以就算你覺得無乜也可以做到,其實一句簡單嘅問候已經好足夠。人生一定會遇到咁嘅問題,只要勇敢面對,活得精彩就得!

「朋友」

一對識咗近二十年嘅朋友,由相識,到佢哋拍拖,結婚,直至啱啱生咗個仔,雖然我好少見到佢哋,甚至乎佢哋嘅近況都只係通過社交平台知道,但係琴晚除咗見到佢發佈咗自己個仔仔嘅相之外,亦同大家講佢病了。講真我真係希望佢係講笑,因為我會問點解嚟件事會發生係佢身上。初為人母竟然要同病魔搏鬥,嗰種心情我相信無人會明白。希望佢可以快啲好返!加油啊!


Also published on Medium.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]