搞網店

「網店」

搞網店其實唔係好知啲人講到咁容易,其實係有好多嘢要去配合!而數據係決定勝敗嘅關鍵,因為如果連數據都無,根本上係無辦法去營運網店。一般嚟講係香港一百個人訪問網店,做得好嘅話會有一至兩個人會係網店買嘢!就算係一啲高流量嘅網站,佢哋最多平均只係會有三至四個人買嘢。所以要網店成功,除咗流量之外,就係每張訂單嘅價值!

「數據」

因為零售市場開始下滑,可多零售店都無辦法承擔昂貴嘅租金,所以今年出現咗好多網店。但係有幾多公司有營運網店嘅經驗?有幾多會利用數據去營運網店?一般嚟講除咗要吸納廣闊嘅客源,用戶網站嘅體驗,以致客戶服務都係關鍵。而要搵出問題,就要收集用戶行為數據,例如用戶從邊個渠道進入網站,用戶使用網站嘅時候會唔會遇到問題等等!

「技巧」

其實好出奇好多網店點解無一個數據分析嘅框架,因為營運網店除咗要了解投資同回報之外,就係要提高用戶體驗。而好多時都係因為排版同設計問題導致流失用戶,所以要通過不斷嘅測試同收集數據去優化用戶體驗。另外要注意嘅係平均每一張訂單嘅價值,以及由進入網站到付款成功所需要嘅時間。當然營運網店仲有好多技巧,但係數據係不可缺少嘅一部份!


Also published on Medium.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Also published on Medium. Click to share on Facebook [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Also published on Medium. Click to share on Facebook [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Also published on Medium. Click to share on Facebook [...]