反數據

「程式」

越嚟越多人會利用數據,某程度上好多社交媒體亦都係利用數據去提供佢哋覺得你關注嘅議題。只不過到最後都係一條方程式!而每當佢哋改變計算方法,麼程度上係改變緊大家嘅行為同喜好。網民亦變得兩極化,再唔夠中立。而點解佢哋要改變?好簡單,就係當大家都知道條方程式點樣運作。由無從稽考都眾所皆知,所以唔改變玩法唔得!

「因果」

好多時我哋會話數據係死,人係生。我唔會否認呢個講法,但係數據係因果關係。首先要有人,先至可以有數據產生。而每當我哋改變日常習慣,數據亦都會有改變!所以某程度上數據反應我哋嘅言行舉止,而當你擁有越多行為數據,您就可以更快洞悉社會嘅改變。所為嘅人性化嘅數據,其實一直存在,只不過所需要計算嘅因果變得複雜!

「玩弄」

講到尾人會行為係可以塑造出嚟,當然好多會同我哋嘅環境以及起居飮食有關。要改變一個地方文化其實係需要時間,所以到最後就算點改變都好,有啲行為數據係無辦法改變。正所謂「聰明反被聰明誤」,「玩數據時,被數據玩」,你以為已經掌控數據,其實現中你從來都無。人係會變,日開會圓,做數據分析係分析因果關係。只要唔好簡單複雜化,其實好多嘢無你想像中咁複雜!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Click to share on Facebook (Opens in new window)Click [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Click to share on Facebook (Opens in new window)Click [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Click to share on Facebook (Opens in new window)Click [...]