小便宜

「招標」

好多時都會收到某啲公司話想邀請你間公司去參與佢哋嘅項目招標,但係事前要做好多嘢都係無錢收。當然你可以話一買一賣,你中標未可以收到錢囉。其實係外國,就算提交意見書大多數都會俾錢,尤其係大嘅項目。其實到最後間公司係唔駛用錢嘅情況下就可以得到唔同嘅資訊,而且大部份時間都係因為內部流程而要搵多幾間公司投標。

「免費」

小便宜嚟家嘢真係亞洲人嘅特性,好多時大家都無諗過要搞一啲有質素嘅活動而且唔收錢其實係義務,而每當有免費嘅講座大家都會一窩蜂去報名。不過當你收佢一百幾十佢哋有唔會願意去報名。其實大家係唔係覺得所有嘢都應該係免費先至係啱心意?有時候真係搵場地都搵到你傻,因為靚嘅就貴,平嘅參加者有覺得物非所值。就算唔理硬件,搞活動所用嘅時間唔通唔係金錢?

「收費」

好多時啲人都會講我公司收得貴,其實貴唔貴真係好睇公司,好睇人!但係每次我哋搞免費活動不出幾個鐘頭就已經爆晒人,而我哋搞培訓,搵專業人士去做培訓,分分鐘無人會報名。就算想報名都會問我攞優惠!講真我哋做培訓都有好多使費,所以邊度有可能免費,真係唔駛用時間去準備咩?香港租一個地方乾淨唔平。講真就算係免費都唔係個個都有質素啦!一分錢一分貨!


Also published on Medium.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.