絆腳石

「步伐」

其實每間公司總會有唔同嘅人,唔同嘅背景。而我經常講大部份嘅員工係工蜂,默默耕耘!但係要係當中突圍而出,其實要比一般嘅工蜂更加努力。點解,因為老闆一般都會俾你行得快,所以要跟得上步伐。另一方面公司請人返嚟係去解決問題,唔係製造更多問題。老實講,如果唔明可以問,但係唔好扮明,話明話明,但係到最後都係唔明,咁咪浪費時間囉!

「絆腳」

無論係打工做管理層又好,做老闆又好,要培養人才其實係好重要。但係有時亦真係需要睇時機,因為要配合公司發展係好重要。不過當員工變成公司嘅絆腳石嘅時候,咁真係要採取適當嘅決定。一個好嘅團隊係唔同嘅層面上都要行動一致,如果跟唔上步伐就會影響公司嘅發展。當然你可以話好殘酷,但係如果係公司嘅角度其實真係無可能等你!

「犯錯」

我記得好耐之前有個老闆同我講過,如果做錯一次,唔緊要,最緊要下次唔好再犯錯。因為每次做錯嘢要花多一倍嘅時間去修改,所以要一步到位。當然最緊要嘅係要知道自己犯咗乜嘢錯,如果連錯啲乜嘢都唔知真係幾大鑊!老實講真係而家真係好驚請到啲咁嘅人,因為好多都會同你講我係白紙一張,之前無做過所以唔識做。咁我都有好多嘢都未做過,如果咁同老闆講,真係搏炒!


Also published on Medium.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]