計唔到

「計算」

要善用數據去定策略其實唔難,只係好多時唔知係邊度入手,而數據歸數據,係有因先有果。所以唔係樣樣嘢都可以依賴數據,況且環境不斷改變,數據亦都係。好多嘢唔係可以計算到出嚟,就好似人嘅心情咁,係無辦法計算得到。真所謂人心難測!如果所有嘢都可以用咁理性去計算到最終結果,以後嚟個世界就唔會再有咁多意料不及嘅事情發生!

「數據」

雖然我經常講數據可以幫到好多公司改變策略,而通過數據可以更加了解客戶同搵出問題。但係真係唔係所有嘢都可以依賴數據!因為好多嘢係數據唔能夠解釋,就例如最近嘅學生洗腦歌!一首重複唔知幾多次關於三角形幾何嘅歌竟然有意想不到嘅人觀看,仲要衍生好多二次創作。嚟啲就係數據計算範圍之外嘅嘢,所以係計唔到!嚟啲就係曩花一現嘅現象!

「境界」

當然無人知點樣可以百一條片就可以有成千上萬嘅人睇!但係好多時都仲聽到有啲公司話拍條片就可以吸引到客戶,其實當然有啲嘢係可以計算到,只不過真係萬中無一嘅機會率,事關拍一條高傳播率嘅短片要包含嘅元素實在太多,而且要配合天時地利人和先至會成功。所以有時真係覺得佢哋有少少妙想天開!點都好用數據用得太盡,緣份誓必早盡!適可而止先至係用數據嘅最高境界!


Also published on Medium.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Also published on Medium. Click to share on Facebook [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Also published on Medium. Click to share on Facebook [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Also published on Medium. Click to share on Facebook [...]