去改變


個人分享
Tagged With: , , , , , , , , ,

「選舉」

今年九月四號就係立法會選舉,而過去四年香港真係變得太多。好多議案,好多撥款,都係好多爭議嘅情況下強行通過。一次又一次嘅社會矛盾同衝突都係嚟四年之間發生。而點解會出現咁嘅情況?當然就係因為俾建制派嘅議員取得大多數嘅議席,所以如果係想改變當然就係要靠我哋手入面嘅一票。為自己同為我哋嘅下一代!

「投票」

好多人都話想香港可以改變,但係如果真係咁想改變,點解唔運用自己嘅公民權利去登記做選民同去投票呢?當然好多人話一票可以改變到啲乜,其實一票一票加埋先至係重點。如果個個都係咁嘅心態,當然無乜嘢可以做到。所以如果大家真係想改變嘅,就當然係把握機會登記做選民。有時真係唔好睇少一張選票嘅能力!

「改變」

今年嘅立法會選舉又會係一場你死我活嘅選舉,除咗傳統大政黨之外,今年亦都應該會見到一啲新嘅年輕黨派出嚟參戰。其實最緊要嘅係點樣可以攞返個話事權同平衡依家建制派主導嘅局面。如果唔係,未來四年又會同而家一樣,好多政策都會強行通過。所以第一件事就係登記做選民,提議就係記得九月去投票!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]