飲咖啡


個人分享
Tagged With: , , , , , , , , ,

「咖啡」

飲咖啡係唔係就代表你係中產,講真見仁見智啦,不過飲咖啡係有咖啡嘅文化,而唔係是是但但搵一間連鎖咖啡店就得!係香港其實要搵一間好嘅咖啡室真係有啲難,有時真係要專程去嗰間舖頭就係為咗一杯咖啡。係外國其實係一種享受,尤其天朗氣清嘅時候,因為可以一邊做嘢,一邊飲咖啡,一邊享受陽光。而好多時唔洗特登搵咖啡室,因為如果唔好飲嘅話基本上一定無人幫襯!

「個人」

我唔可以話識咖啡,只係飲得多有自己嘅個人喜好。其實咖啡同紅酒一樣都係好個人嘅嘢,所以就算好多人覺得好飲嘅你或者覺得唔好飲,好見仁見智。而家香港越開越多精品咖啡店,而我哋一班經常流連咖啡室嘅人慢慢有一個咖啡店嘅名單。因為大家所追求嘅再唔係一般連鎖式嘅咖啡店嘅咖啡,而係咖啡店嘅咖啡豆以及咖啡調配師對咖啡嗰份熱誠!

「連鎖」

好啦咁點解我唔去連鎖咖啡室?好簡單,因為好多都唔好飲,而且所謂嘅咖啡調配師只係打份工,毫無熱誠可言!如果有得揀我當然打死都唔會去幫襯佢哋!而家香港個三間連鎖,除咗星星嗰間我會去多啲之外,太平洋真係只會係毫無選擇嘅情況下去幫襯佢!而我最喜愛嘅咖啡室係由一位好年輕嘅調配師同朋友開!佢係香港好多地方都有,不過始終佢調配出嚟嘅咖啡係唔同啲!係邊?中環士丹利街!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]