睇實啲


個人分享
Tagged With: , , , , , , , , ,

「獨自」

唔相信好多人細個嘅時候都會試過自己返學放學,有時亦會自己落去公園玩。但係而家就好似無咁安全,因為經常睇到有關拐帶兒童嘅事件。當然未做父母嘅時候都已經覺得匪夷所思,點解啲人可以咁猖狂,大街大巷可以拐走啲小朋友。依家做咗人哋嘅父母,如果郭大少俾人拐走咗我睇怕我哋兩公婆會癲到似。所以依家真係要看管好自己嘅小朋友!

「小心」

香港真係好危險,就算你話我哋有被害妄想症都係咁講。而家啲小朋友出街真係要非常小心,要打醒十二分精神!點解?其實前幾日老婆先至講依家好多大陸人落嚟做世界,出入真係要睇實郭大少,就算係推車仔都要捉到實!點知嚟頭講完,身邊嘅朋友同一啲媽媽谷都話近日有類似嘅情況。依家真係唔係拐帶兒童咁簡單,佢哋真係直頭搶細路,超級變態。所以大家真係要小心啲!

「事件」

琴晚老婆係社交網站見到有個媽媽講述佢嘅親身經歷。話說嗰位媽媽同小朋友去咗元朗行街,佢一直有拖實小朋友。點知突然身後面有個帶有鄉音嘅阿嬸衝過去佢哋度,然後從後抱起個小朋友試圖搶走佢。慶幸嘅係當時個媽媽有把長遮所以一嘢就打落去個阿嬸個背脊,但係個小朋友就跌咗落地整親。而當時好彩有途人幫手捉咗個阿嬸,之後報咗警拉咗佢!而啲警察都話近日亦發生過唔止一次類似嘅事件!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Click to share on Facebook (Opens in new window)Click [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Click to share on Facebook (Opens in new window)Click [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Click to share on Facebook (Opens in new window)Click [...]