五千人


個人分享
Tagged With: , , , , , , , , ,

「專頁」

要經營一個專頁其實係幾困難嘅事,因為你要有足夠嘅材料先至可以每日更新,如果唔係有就等於無。而且社交媒體越來越複雜,真係五時花六時變,有時出咗文都唔知有無人會睇到。不過由始至終自己寫文都係俾自己睇多,如果真係有人對我寫嘅嘢有興趣,咁當然係好事啦。而近排越嚟越多身邊嘅朋友因為想將工作同私人嘅嘢分開,所要大家都開咗個專頁嚟經營!

「五千」

嘩!終於有五千人啦!由開始寫文超過一年,每日都係自己嘅專頁更新文章。初時淨係得三百幾人,估唔到慢慢會去到五千人嚟個關口。講真雖然唔知有幾多人會睇我嘅文,但係入面嘅數據真係好值錢,因為要引證某啲理論就需要一個特定嘅平台。過去嗰五百幾篇文章俾到我嘅唔淨止係記錄每日嘅回憶,因為當中透過數據好咗好多嘢。唔知幾時會過一萬人呢?

「粉絲」

當自己管理專頁嘅時候,其實我會逐個逐個人去睇吓究竟個帳戶係唔係真人,因為事關真係實在太多假嘅粉絲。而如果你買廣告嘅話咁就會好大鑊,原因係嗰啲假粉就好似癌細胞咁,如果唔清走佢嘅話就會擴散。到咗嗰陣時就算你個專頁有一百萬人都好,其實佢哋根本係假帳號,你寫啲乜做啲乜其實真係無人會理你。咁要一個無人關注嘅專頁嚟仲乜呢?

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]