是但噏

「粉絲」

或者你唔知道我喺林海峰嘅忠實粉絲!其實好多年前由軟硬開始做「電話整蠱」已經覺得佢好好笑!而家如果朝頭早揸車就當然係聽「晴朗」啦!以前因為唔係香港所以佢做嘅棟篤笑無去現場睇,但係返咗嚟香港就當然買飛去支持佢啦!基本上同佢有關嘅嘢我都有買,不論係唱片,甚至棟篤笑嘅紀念品我都唔會錯過!

「廣東」

今年終於等到林海峰再一次開棟篤笑,咁作為粉絲就一定唔會錯過啦!我諗基本上佢每一次嘅棟篤笑我都最少睇過十幾二十次,因為每次睇都覺得好好笑,真係調返轉頭我都應該記得。今次「是但噏廣東話」係佢第六次嘅棟篤笑,而佢啱啱喺年頭先至係叱吒嗰度唱咗首「I Want You 廣東歌」,好似已經為今次嘅棟篤笑作一個序幕。睇怕今次又係要去搶飛啦!

「慶幸」

當然最慶幸嘅就係幾年前軟硬再開演唱會,佢哋當時某品牌同佢哋合作出衫,而唔記得咗頭個幾多個買衫就可以參加當晚嘅活動。嗰次係同林海峰最近距離嘅接觸!真係超級興奮!而之後就係佢同另外一個品牌搞咗個小型音樂會,嗰次係第二次比較近嘅接觸。講真我好少會追星,但係「林海峰」係我唯一一個我會去支持嘅人。不過我相信好多人都係佢嘅粉絲,甚至乎比我更瘋狂!


Also published on Medium.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]