低估咗


個人分享
Tagged With: , , , , , , , , ,

「佩服」

雖然依家唔係每個人都會生小朋友,當中原因有好多。當然身邊亦有好多朋友已經有好幾個小朋友,有時真係好佩服佢哋。依家有時淨係湊住郭大少已經搞到我哋兩公婆一頭煙。有啲人可以好輕易咁同你講請個工人或者搵屋企人幫手咪得囉,但係你放心我唔放心。而每當我睇到啲朋友自己一手一腳湊住兩三件真係非常之佩服!或者真係早啲有小朋友嘅關係嘅分別!

「後生」

有仔趁嫩生其實真係講得無錯,點解?我諗依家好多人都會先搞掂生活先至會結婚,而好多人又會話係香港無樓無地方住就唔結婚。但係當你買咗樓嘅時候有諗有冇錢生小朋友同養小朋友,事關真係一闊三大。而如果撇除金錢以外嘅問題,其實最大嘅問題係日常照顧所需要嘅體力同精力。所以未有小朋友嘅你真係唔好低估所需要嘅體力同耐性!

「體力」

依家郭大少一歲都未夠但係真係已經精力旺盛,雖然話依家啲時間比較有彈性,但係啲體能真係每況越下,真係俾佢玩謝。依家其實仲大鑊過創業,因為創業都仲可以比自己一啲時間去唞吓。但係而家係係自己嘅仔女,你無得唔去唔照顧佢,所以基本上係一份冇假放嘅工,仲要一打幾十年。曾經係外國網站睇過一條應徵嘅短片,正正係問應徵者有邊個會肯一年三百六十五日無假放,最後嘅答案係你嘅父母!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]