鬥數據

「經濟」

當經濟下滑嘅時候,零售業好多時都會首當其衝,以今時今日嘅營商環境好多人都會轉戰網上市場。但係轉變嘅過程其實需要好多嘢嘅配合,而數據係主宰成敗嘅關鍵。如果誤打誤撞其實好容易損手爛腳!過往見過好多公司其實都會揀錯服務供應商,而經常聽到嘅係投資咗好多但係冇乜效果,因此慢慢就會對網上營商失去信心。

「數據」

其實要好好運用數據,除咗要適當及準確搜集之外,最關鍵嘅係要將用戶嘅行為串連一齊。就好似火車咁,要一卡一卡咁串連一齊。如果無咗個掛鈎啲數據就會一舊舊,根本一啲用途都無。所以首先要訂立嘅係點樣可以將啲用戶嘅行為數據串連埋一齊,最簡單嘅方法就係利用會員資料。咁樣就可以將大部份嘅客戶信息貫連起嚟。

「經驗」

如果今日你間公司仲未有一個明確嘅數據策略,講真一定比好多有嘅公司輸蝕好多。要轉型唔係一件易事,尤其係傳統行業。而家嘅社會係網絡主導,但係好多公司嘅方針仲係老闆主導。所以好多時到最後都無辦法特首預期嘅銷售目標,而唯一可以做嘅就係用數據去印證誰是誰非。講真要用數據推翻過往嘅經驗真係唔係一時三刻可以做到嘅嘢。


Also published on Medium.