大企業

「管理」

我經常都會講公司嘅根基係好重要,但係奈何我哋只有小貓三四隻,好多我係大企業用嘅管理同發展方法其實係而家個環境唔係咁識合。因為如果要強迫一間細公司用一個大企業嘅管理模式其實係不切實際嘅事。結果過去嗰六年其實公司真係好似打仗咁,所有嘢做咗先講。當然我好明白咁嘅狀況真係只可以係幾個人嘅公司先至可以發生。

「改革」

要有一間蚊型公司,升格去到中小企,甚至直至大公司,當中最關鍵嘅除咗係員工之外,其實運作模式係一個關鍵。有可能好多人覺得大公司有好多濕濕碎碎又麻煩嘅流程,做起嘢上嚟仲要處理一大堆文件。當然我都領教過,不過我覺得凡事都係要平衡,而大公司嘅管理係有可取之處,所以如果而家唔改變,幾時改變?確實真係唔可以再用自家經營嘅模式去營運,因為唔夠長遠!

「破冰」

今年係破冰之年,要將過去幾年嘅陋習一一清除。當然亦包括管理思維!過程雖然有可能好痛苦,但係總好過之後公司擴充嘅時候變成絆腳石。所以趁而家仲係小貓三四隻嘅時候,將問題解決!而我相信依家係正確嘅時候去改變。希望可以將以前大公司所學嘅管理模式簡單化,一來要更有效率去營運公司業務,二來唔希望因為自己係蚊型公司已忽略流程同管理嘅重要性。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Click to share on Facebook (Opens in new window)Click [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Click to share on Facebook (Opens in new window)Click [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Click to share on Facebook (Opens in new window)Click [...]