港電影

「電影」

近年真係越嚟越少睇港產片,因為好多都真係爛片一套。如果你要我俾幾十蚊而且浪費我個零兩個鐘,我真係倒不如唔睇。作為香港人其實點會唔想支持香港電影,但係好多時啲劇本為咗內地市場而導致觀賞性減低。當然間唔中都會有一啲好嘅港產片,但係真係可遇不可求。所以真係好視乎套電影本身係一個投資電影定係藝術電影,因為如果睇回報嘅話咁香港嘅市場對於投資者嚟講就真係太細。

「最佳」

香港電影金像奬又告一段落,當中真係有好多驚喜!當然你話好多係大熱倒灶,不過係唔係爆冷或者偏頗,其實真係好見仁見智。作為香港人,當然希望支持香港電影,而「十年」係近年難得一見嘅本土電影。好多人都會猜測究竟會唔會頒最佳電影俾「十年」,因為其實嚟套電影太過政治敏感,而最終都能獲得最佳電影,絕大部份嘅香港人都應該感到高興。香港真。仲有希望!

「頒獎」

一套講出好多香港人嘅心聲,一套令好多香港人去反思嘅電影,點解得獎是電影界不幸?一套電影就已經可以睇到好多嘅社會問題,而當某啲本地媒體連套戲嘅戲名都唔敢報導嘅時候,其實標誌著啲乜嘢?其實我真係無諗過爾冬陞會自己親自頒嚟個獎俾「十年」,而亦都因為咁我有少少對佢改觀。其實佢好清楚亦明白,頒呢個獎會有好多爭議,而且搵邊個頒都有機會影響佢哋嘅事業。避免難為其他人佢嘅決定係自己頒嚟個獎!堅!


Also published on Medium.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Also published on Medium. Click to share on Facebook [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Also published on Medium. Click to share on Facebook [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Also published on Medium. Click to share on Facebook [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Also published on Medium. Click to share on Facebook [...]