電視業


個人分享
Tagged With: , , , , , , , , ,

「電視」

香港嘅電視業去到呢一刻真係越嚟越倒退,無競爭,無進步。成日話市場萎縮,咁點解會萎縮?其實原因唔係個個變成低頭族咁簡單。首先社會嘅娛樂多咗,返工無放工,科技日新月異,節目質素每況越下,新聞政治化,等等都係導致依家所謂嘅問題。當然每個行業都有自己嘅龍頭大佬,亦有興衰嘅時期,但係不進則退,慢慢就會俾人淘汰。

「亞視」

亞視係唔係永恆?一間營運咗半個世紀嘅公司其實唔容易,百年老店就更加難。雖然好多人都唔鍾意亞視,但係無可否認佢其實都有過輝煌嘅時期。當然去到今日咁嘅地步,最大原因應該係因為不斷更換管理層,無一個領導者,無一個目標,以致多年嘅基業今日嚟到盡頭。今晚亞視就會完成一項歷史任務,無論大家有幾鍾意同唔鍾意都好,始終亞視係香港免費電視歷史嘅一部份。

「重新」

撐咗咁耐最終都係去到最後一晚,雖然不斷掙扎求存不過始終都係要有完結嘅一日。好多香港人都希望有個新開始,唔想再係一台獨大。不過香港政府真係死都唔俾個電視牌照王維基,依家剩低一個免費電視台,而港台不嬲都係政府嘢,雖然下星期會有新免費電視台出爐,不過會唔會改變依家嘅電視業嘅情況都係要有待觀察。點都好大家都係想有啲其他嘢睇啫!

(Visited 45 times, 1 visits today)

Also published on Medium.