小燈泡

「抒發」

本來真係唔想再睇,再聽,再講嚟件事!只不過嚟兩日心入面真係好唔舒服,所以希望寫出嚟抒發下!當我知道小燈泡媽媽寫咗篇千字文之後,其實我有諗過睇唔睇。我真係一個好眼淺嘅人,我睇到第一句「我真的好想她」嘅時候,我其實已經無再睇落去,因為心入面真係非常難過。直至夜晚做晒所有嘢之後先知再靜靜地咁睇完篇文章。

「創傷」

小燈泡媽媽嘅堅強非常令人佩服,但係事實真係如此嗎?作為父母真係可以承受咁突如其來嘅衝擊嗎?我反而希望大家唔好淨係睇表面,因為我相信佢依家心如刀割,只不過事情發生得太快根本上無辦法反應過嚟。正如喺文章入面佢寫到當時真係喊唔出,直至將筆錄寫完。係筆錄入面可以感受到佢對小燈泡嘅愛,如此同時佢亦反映咗當下嘅社會問題。我只可以講母愛嘅偉大!

「希望」

小燈泡希望你可以開開心心去到世界的另一邊,希望你離開的時候沒有帶著太多的痛楚。要緊記媽媽對你的愛,因為媽媽真的很愛你,她真的真的好想你!你亦不要害怕,因為媽媽一定希望你繼續做個開心的小孩子。你們總有一天可以在某個地方相遇,到了那個時候記得給媽媽一個擁抱。要記得這裡的風景好美,這個世界有多麼漂亮!想同你說聲生日快樂,小燈泡!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.