夜麻麻

「夜晚」

好多時大家都會見到我夜麻麻都仲上緊網,當然好多時都係做緊嘢。雖然有時候好眼瞓,但係最多嘢諗就係夜晚嘅時候。有時夜晚食完飯真係想擘大眼都唔得,亦都唔輪到你控制,真係坐係到都瞓得著!但係有時瞌咗陣之後又鬼打咁好精神,所以起身之後又繼續做嘢。講真其實真係無乜規律可言,但係有時真係無辦法,因為今日唔做聽日都要做,唔做嘅話,慢慢就會越積越多嘢做。

「安靜」

點解有時要夜麻麻做嘢?其實深夜先至係最安靜嘅時間,因為日頭要處理好多唔同方面嘅嘢,根本好多嘢基本要等到夜晚先至開得工。如果要自己一個可以安安靜靜係度靜思,沉澱,釋放真係要等所有人瞓晒覺先至有少少空間去安頓自己。好多人有可能會見到我工作嘅一面,但係其實我鍾意寧靜。如果自己係屋企嘅話真係可以一啲聲都無。所以深夜係最寧靜嘅時間。

「思考」

好多人會話早睡早起精神好,其實我都認同。之不過以往係大公司試過輪班,返工係晏晝嘅兩點,而放工已經係夜晚十點嘅事!所以基本上係日夜顛倒。自此之後其實我真係好唔習慣返朝九晚五嘅工作。依家朝頭早都係出去見客戶同開會,所以應該要做嘅工作真係要等到返屋企食完飯先至開到工。而我其實係需要一個寧靜嘅空間同時間等自己可以安安靜靜咁做嘢,因為朝頭早真係有太多人會搵你都知無法集中精神處理身邊嘅嘢。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Click to share on Facebook (Opens in new window)Click [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Click to share on Facebook (Opens in new window)Click [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Click to share on Facebook (Opens in new window)Click [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Click to share on Facebook (Opens in new window)Click [...]