安全網


個人分享
Tagged With: , , , , , , , , ,

「害怕」

我經常講人係好怕離開安全網,因為大家由陌生到熟悉,呢個過程其實每一日都會發生,而視乎改變嘅幅度有幾大,每個人嘅接受能力亦有唔同。人總會害怕而不敢作出嘗試,嚟個就係人天生嘅本性。要改變係要付出勇氣,而要每日都要改變係一件好難嘅事。要適應新嘅人同事已經好難,何況如果會影響安穩嘅生活?所以好多人都會選擇活係安全網入面!

「破冰」

過去幾個月我一直係度同自己講要破冰,要離開安全網,因為自己好似為咗想安穩而無作出勇敢嘅嘗試。最終三月頭就決定一於鼓起勇氣,離開安全網,唔好再俾任何藉口自己。所以公司亦作出一系列嘅調動,希望打破現狀。因為長時間埋頭苦幹,慢慢安全網嘅範圍越嚟越大,亦開始唔記得要突破就係不斷係安全網以外嘅地方生活。所以安全網只會阻礙你去突破自己!

「離開」

每一次離開一個地方,一間公司,進入人生每一個階段都係離開自己原來嘅安全網,但係離開之後安全網有回慢慢織起。就正如當年我係大公司安居樂業一樣,要決定離開係需要勇氣,因為多年建立嘅關係,團隊,業績都一下子好似粉筆字咁抹咗去。不過如果永遠甘於現狀,咁就好難向前行,慢慢你只會被淘汰。所以唯一可以做嘅就係不斷離開自己嘅安全網。


Also published on Medium.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]