無驚喜


個人分享
Tagged With: , , , , , , , , ,

「蘋果」

今朝一早又係蘋果產品發佈會,但係今次真係有啲失望,首先唔好講佢入面嘅內容,論整個發佈會嘅長度我諗係我睇咗咁多次入面嘅最短一次。另外基本上毫無創新可言,最起碼我係咁認為,因為有一半都係講環保,醫療,汽車,產品銷售同應用狀況。真係悶到差啲瞓著!其實近呢幾次嘅發佈會再無以前教主嗰種吸引力,莫講話一啲興奮都無,整體上無乜嘢吸引,仲要有少少舊酒新瓶感覺。

「發佈」

當然每次有蘋果發佈會嘅時候大家都好關心究竟有啲乜嘢新嘢會帶俾我哋一啲驚喜。事實係今次一啲都無!作為粉絲真係有啲失望。手錶基本上淨係得條錶帶,機頂盒多咗啲功能,再一次將新電話嘅硬件塞咗入去舊機殼入面,軟件有少少改動同加咗啲新功能,最後係無啦啦出多咗一個尺寸嘅平板電腦。真係可以話完全無突破。蘋果已經唔係蘋果,佢哋真係好似再無進步,停滯不前。

「問題」

究竟係蘋果已經無咗以前嗰種創新,定係真係因為改朝換代嘅問題?好多時睇返以前嘅發佈會,真係驚喜一籮籮!但係依家基本上悶場佔大部份時間,同埋好無創意。有時見到佢哋啲設計真係一額汗,如果我係教主一定激到翻生。先唔好講設計呢個問題,因為真係太多嘢可以討論,但係講到科技就真係好似無乜點樣有重大嘅突破。反而淨係將啲產品不斷變做不同大細,令到以前買蘋果產品好容易因為款式唔多,都依家真係唔知買邊款好!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Click to share on Facebook (Opens in new window)Click [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Click to share on Facebook (Opens in new window)Click [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Click to share on Facebook (Opens in new window)Click [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Click to share on Facebook (Opens in new window)Click [...]