掉轉晒


個人分享
Tagged With: , , , , , , , , ,

「好亂」

香港依家有好多嘢都亂晒龍,乜嘢都掉轉晒嚟講,掉轉晒嚟做。最重要嘅係有啲嘢你點講都講唔通咁先至慘!如果你同我講有兩個人同時間犯法嘅話,一個係會構成公眾危險分分鐘會害死人,一個只係為咗保護自己同其他人去抗議點知俾人話偷嘢,咁究竟應該邊個係罪大惡極啲呢?真係唔通等到悲劇發生先至識死?又係抓爆頭都諗唔明嘅嘢!

「執法」

其實大家有眼睇之前係國內發生倒塌山泥嘅事件,如果非法傾倒廢料同泥土,而且成座山咁大,萬一真係倒塌,後果會點?我諗唔洗問啦吓嘩!無論你有冇政治取向都好,依家係講緊你嘅性命財產。如果你因為政府容許啲人傾倒泥土,而遲遲唔執法,如果真係有意外嘅時候,你係唔係仲覺得政府無錯呢?非法傾倒泥土就唔犯法,仲要搞一年半載都無結果。依家啲人去抗議,你就搵人嚟拉佢哋話佢哋犯法,真係有無攪錯?

「問題」

講真我真係以為自己精神錯亂,因為好多邏輯性嘅嘢真係諗唔明。最搞笑嘅係嗰個私人地方嘅業主(好似係),竟然自己報警話有人去佢個泥頭山偷嘢。好,就當我明嗰度係私人哋方,唔可以隨便帶走任何嘢,但係政府話要鞏固個泥頭山到而家仲未搞掂,咁係唔係要捉咗個業主先呢?反正佢報咗警,所以理應知道係邊個塊地。咁仲唔執法,仲等啲乜?真係要悲劇發生?

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]