跑下步


個人分享
Tagged With: , , , , , , , ,

「長跑」

仲記得以前係澳洲讀中學嘅時候,每年都會有越野長跑,而每逢冬季嘅星期三體育日我同一班同學都會選擇越野長跑。事關如果越早跑完,我哋就可以早啲走,之後就可以係學校嘅籃球場打籃球。所以嗰陣時要跑十幾二十公里都唔係問題,因為跑得快有著數!而之後返咗工,當然唔會好似返學嘅時候咁樣啦,所以真係好耐無跑個步,除咗趕時間,如果唔係點會無啦啦跑步呢?

「叮噹」

對上個次跑長跑真係唔記得係幾時,好似真係有好幾個年頭,尤其係返咗嚟香港做嘢。你叫我跑渣打馬拉松,講真我都會覺得自己依家嘅體能無可能應付,莫講話半馬,我諗十公里都有少少難度!不過今日陪老婆去咗跑「叮噹馬拉松」,話就話馬拉松,其實我哋都係跑咗一兩步,最主要都係趁熱鬧去影相。事關我老婆係一個「叮噹」迷!

「活動」

今次嘅活動其實真係覺得搞得一般般,係安排上面其實都比較亂。不過個主題就非常吸引!所以就算主辦機構唔係搞得好好,大家玩得都幾盡興!最重要嘅係之前係台灣已經有「叮噹馬拉松」,而我老婆當然好羨慕啦。所以今次係香港搞,佢當然唔放過亦都捉埋我去跑。但係講真我哋真係行同影相為主,當然最最最重要就係囉贈品同禮物啦。希望出年可以同郭大少一齊去玩啦!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Click to share on Facebook (Opens in new window)Click [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Click to share on Facebook (Opens in new window)Click [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Click to share on Facebook (Opens in new window)Click [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Click to share on Facebook (Opens in new window)Click [...]