兩週年


個人分享
Tagged With: , , , , , , , , ,

「兩年」

兩年前嘅今日係我哋結婚嘅大日子,但係感覺好似好耐咁,不過其實只不過係兩年時間。真係眨下眼就過,而唔同地方都有唔同嘅叫法,而不論係「棉婚」又好,定係「皮婚」又好,每年今日都係值得我記錄每一年我哋兩公婆嘅婚姻生活。睇返上年自己寫嘅嘢其實都好得意,所以希望繼續每日寫文章去記錄每日嘅嘢。而今年真係好多謝老婆過去一年嘅付出!

「拍拖」

話咁快又一年,今日係兩周年紀念日當然要同老婆出去慶祝下啦!每年都會同老婆去食餐好嘅,不過今年要做啲返屋企因為要照顧郭大少。當然過去一年老婆好辛苦咁陀住郭大少,直到佢出世之後又好辛苦咁照顧佢。做咗人哋嘅父母,自自然個重心放咗落去郭大少同工作到。亦因為咁真係少咗同老婆拍吓拖,過下啲二人世界。不過今日當然要拍下拖,同老婆撐下檯腳啦!

「嗌交」

過去一年我兩口子嗌交多咗,但係我諗無一對情侶或者夫婦係唔會嗌交。當然過去一年自己亦畀咗好大壓力自己,因為希望將所有嘢做好啲,只不過真係越係想做好就越係做唔好,所以不自覺會發下脾氣。講錯嘢真係在所難免,何況我講嘢唔叻,激嬲老婆就不在話下。當然大家都會講晦氣說話,不過我諗夫妻關係就係要經歷嚟啲嘢。老婆唔好意思,今年真係辛苦咗你,係度同你講聲「對唔住」!老婆,我愛你!兩周年快樂!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]