入下谷


個人分享
Tagged With: , , , , , , , , ,

「通訊」

大家嘅手機入面其實有幾多同通訊有關嘅軟件?自己數數下都已經有近十隻。講真一個人真係可以處理咁多訊息?唔好話淨係睇訊息無時間,就連有啲人鍾意留語音訊息都無。佢哋係唔係真係覺得你可以無時無刻都可以聽留言呢?至於好多人而家都會入某啲特定嘅谷,講嘅話題真係十分之廣,分分鐘啲訊息快過個股票市場嘅交易。真係邊有時間睇呢?

「開谷」

依家潮流就係開谷,入谷,追谷,因為分分鐘嚟唔知幾時入到啲新奇又有趣嘅谷,甚至乎有啲有著數谷真係唔可以錯過。依家啲谷最大可以容納成五千人,真係好變態!不過無可否認依家好多人都未必再係社交媒體上面分享訊息,反而好多做小生意嘅都紛紛開始自己嘅私人谷,唔係你話入就入,因為費事煩。嚟個趨勢真係唔可以睇少!

「發展」

其實通訊軟件都唔係今時今日先至有嘅嘢,只不過係改頭換面再加一啲新原素。講到尾都係一堆訊息,無乜嘢創新可言,因為其實差唔多二十年前已經有同樣嘅嘢,只不過依家搬咗去手機平台啫。過去個二十幾年,我唯一無見過會死嘅嘢就係同社群有關嘅嘢。不論係論壇,平台定係通訊軟件,只要你身邊嘅朋友用,自自然然就變成趨勢,最多都只係改朝換代,但係背後咪又係一個個群組!就係咁簡單!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]