正與邪

「正邪」

今年有兩套大片都係講關於好人與好人之間嘅鬥爭。不論係「超人」同「蝙蝠俠」,定亦或係「美國隊長」同「鐵甲奇俠」,講真佢哋個個都係正義之士!但係點解佢哋最後要互相對決?其實我想講嘅係無論係正邪之爭,正正之爭,定係邪邪之爭,只要大家意見不合,價值不一,無論是對是錯,是誰是非,是黑是白,到最後都會各持己見去維護自己覺得嘅價值觀。

「矛盾」

其實睇過「蝙蝠俠對超人:正義曙光」同「美國隊長:英雄內戰」嘅劇情之後,兩套都係以超級英雄作為背景嘅電影,而且都係正義嘅角色。而當大家覺得對方嘅觀點同價值有所差異嘅時候,本來貌似同一陣線都會變成對敵狀態。其實係唔係有啲可惜?但係係現實生活就係咁。今日有可能係朋友,聽日就會係敵人。所以真係非常矛盾!

「反思」

其實乜嘢係啱,乜嘢係錯?邊個去決定是非黑白?係唔係你話佢係忠嘅就係忠?講真,就算係警察都有可能係奸,古惑仔都有可能係忠。相信大家都有睇過「無間道」,其實道理好簡單!依家個社會越嚟越複雜,係唔係咁簡單就可以區分正邪同對錯。可能今日雖然係啱嘅事,聽日就會係錯。所以每日我哋做嘅決定其實係無對或錯,事關到最後已經成為過去!

(Visited 237 times, 1 visits today)