鬥圍棋

「智能」

人工智能係每一間大企業都想研發嘅一個項目,因為人工智能除咗可以好似人嘅大腦咁自我學習以不斷成長。其實係好多電影入面都會以人工智能去做題材,而好多都會提及人工智能嘅危險性。當然電影入面嘅劇情唔係無可能發生,但係無可否認嘅係人工智能嘅同發展其實都係好初段。未來會係點真係好難講,只不過每個開發人工智能嘅人都會同你講好安全,所以信不信由你。

「圍棋」

好多人都會關注今次谷歌嘅人工智能同韓國九段棋手李世石嘅對決。咁點每次當有電腦對人腦嘅比賽都吸引咁多人關注呢?其實好多人都想研發點樣透過電腦學習人類嘅智慧,再利用係人類嘅日常生活入面。而今次嘅比賽相信係最複雜嘅一次,因為圍棋變化多端,有好多嘅可能性同策略。所以圍棋被認為係目前世界上最複雜嘅棋盤遊戲之一!

「擔憂」

唔知大家有無睇過霍金嘅其中一個訪問。佢其實對於人工智能嘅開發同應用到表示擔憂,而佢亦都揚言人工智慧可能導致人類嘅滅亡。當然要成功研發人工智能當然唔單止係玩圍棋咁簡單,其實背後需要一個強大嘅數據處理系統,不斷收集同分析數據而再作出最好嘅決定。因此系統需要不斷學習同調整以達致近乎完美狀態。當然好多人話電腦始終無可能有人類嘅感官同感情,所以人工智能無辦法取代人類,其實你點知將來會係點,如果有嘅話真係難以想像!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Click to share on Facebook (Opens in new window)Click [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Click to share on Facebook (Opens in new window)Click [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Click to share on Facebook (Opens in new window)Click [...]