撐小店


個人分享
Tagged With: , , , , , , , , ,

「零售」

雖然話香港嘅零售市道一直下滑,好多地方都見到有空舖,但係啲租金始終好昂貴。而家香港大部份嘅商場甚至乎地鋪都係大公司同連鎖店為主。基本上你去邊一區啲嘢都係差唔多。唯一可以搵到一啲比較香港本土有特色嘅嘢就要去到一啲比較遠同比較舊嘅區先至有。問題當然係啲小店根本俾唔起租金,就算俾得起其實都只係白做。每當啲小店一出名,啲業主就係咁加價,趕盡殺絕!

「小店」

每次見到一啲香港特色嘅小店執笠都覺得好可惜。好多時原因都係租金問題而要結業。而嚟啲小店其實好多都記載咗香港人嘅歷史同回憶。雖然你可以話因為時代變遷,啲小店應該被淘汰,但係當失去咗嘅時候先感到可惜,其實已經太遲。好多啲小店都係小本經營,其實大家都係搵兩餐。只不過啲業主真係好鬼無量,淨係識得加租。所以我哋應該撐小店,等佢哋可以繼續保留香港嘅本土文化。

「支持」

好多時去行街真係行到悶悶地,因為真係邊度都一樣。想食啲特別嘢,搵一啲特別嘅鋪頭真係要捐窿捐罅先至搵到。最簡單有時想食碗粥,依家真係唔知可以邊度可以搵到間好食嘅粥鋪。如果你問我,我真係鍾意行啲舊區,因為真係有人情味啲。唔似得去啲大型商場,邊度會同你建立感情,真係講多句都費事!所以我鍾意行街市多過去超級市場就係因為人情味。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Click to share on Facebook (Opens in new window)Click [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Click to share on Facebook (Opens in new window)Click [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Click to share on Facebook (Opens in new window)Click [...]