扮鬼臉

「改名」

相信每個小朋友都會扮下鬼臉,當初郭大少未出世嘅時候一齊係度諗佢個英文名叫啲乜嘢好。我哋好無聊咁隔住個肚問佢,不過到最後我哋兩公婆決定等佢出咗世之後睇下佢個樣先至再決定。依家佢個英文名真係襯晒佢,因為佢而家越嚟越多古靈精怪嘅表情。真係人呼其名,無改錯名。再唸番之前我哋有嘅選擇,依家真係覺得佢同個英文名一模一樣。完來真係要睇到樣先知道佢乜嘢名。

「鬼臉」

唔知幾時開始,郭大少開始識得扮鬼臉。宜家經常成日嗡鼻,整個好鬼得戚嘅樣同我哋玩。其實我哋都唔喺佢面前嗡鼻,但係唔知係唔係遺傳咗我細個啲衰嘢,因為我好細個嘅時候,影相都會嗡鼻所以依家郭大少辰時卯時都整個嗡鼻樣俾我哋睇。當然我搵番之前細個啲相出嚟睇,然後發覺其實佢啲古靈精怪樣真係都幾似我細個嘅時候。真係比佢激死!

「成長」

依家睇番郭大少啱啱出世同而家相比真係唔同晒,不過最起碼有一點佢咁耐都無變就係成日都好開心同好鍾意笑。當然佢經常古靈精怪嗰個樣真係好鬼得意,因為講真唔係個個小朋友都好似佢咁,一出世就會笑。好多都係冇乜表情,事關真係一個嬰兒,你可以覺得佢哋比啲乜嘢反應你。所以真係覺得自己都算有福氣,有個靚靚老婆同一個咁鬼得意嘅仔!哈哈!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]