玩實拍

「實拍」

相信好多人都會留意到依家潮流興玩實拍,而我一直都好想玩,只不過面書要通過認證。都唔知點解佢哋一直都無當過我個認證,所以要等到最近佢哋開放實時拍攝嘅功能先至有得玩。依家科技發達,移動網絡嘅技術越嚟越進步,人人都可以做即時報導,但係其實有幾多人會願意上鏡呢?你真係未必係不修邊幅嘅情況下做現場直播。每次一諗到冇執好個樣就令我卻步!哈哈!

「科技」

講真二十幾年前邊樹會有人諗過一般平民百姓可以拎住部手機上網而且可以即時拍片?科技嘅嘢真係估佢唔到。而家拍片真係好平常,做現場直播真係一啲難度都無。只不過要諗題材真係比較難,而且唔係個個都識拍片,如果手震震嘅話真係睇到頭暈眼花。之前幾日我都有試玩,而最大問題係你要好專心咁拎住部電話,其實無其他器材真係會拍到手軟!

「私隱」

雖然話實拍係好好玩,但係就真係有可能牽涉到私隱嘅問題。事關你拍嘢,係附近嘅人都唔知你拍緊嘢。而當你係實時拍攝仲要係網上直播,講真又唔係記者,所以周邊嘅人真係可以唔俾你拍。所以有時我都會諗如果要拍一啲有趣嘅嘢,但係又好大機會影響到人,所以到最後都係放棄咗。但係我都係提出問題啫,其實我都覺得幾好玩。只不過我會小心啲題材啫!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Click to share on Facebook (Opens in new window)Click [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Click to share on Facebook (Opens in new window)Click [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Click to share on Facebook (Opens in new window)Click [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Click to share on Facebook (Opens in new window)Click [...]