財政案


個人分享
Tagged With: , , , , , , , , ,

「財政」

今日新嘅財政預算案終於出爐,當然又係一如以往無乜驚喜,都係有好評同劣評!究竟係唔係用得其所就真係見仁見智,但係有一點肯定嘅就係個財政預算案點都好過所謂嘅施政報告。最起碼唔係淨係講一帶一路,而係有一啲實質對香港經濟好嘅措施。最令我覺得有進步嘅係個網站,因為財爺竟然會用資訊圖去簡化個財政報告!真係要比個讚佢!

「預算」

又係一年一度嘅「財政預算案」,而好多人嘅焦點都會放係預算案有無得派糖。當然我目前就係比較關心今年財政預算案入面嘅「推動創新」同「培育人才」。而當中我當然會留意同數據分析有關嘅地方。雖然政府慢慢開放數據但係應用方面都真係好靠業界,而要實行嘅話真係慢慢長路。至於人才方面係其實已經唔錯,不過比起外國係小學開始培訓仲差好遠。

「科技」

雖然今年係預算案中有一個比較特別嘅地方就係「科技券先導計劃」,而資訊科技界都會關注可服務嘅範圍同審批嘅準則。雖然話係以配對形式去提供最多二十萬元資助,但係嚟個計劃真係可以幫到中小企利用科技服務同方案,提高生產力或者升級同轉型?其實我有啲保留,所以係審批過程嘅時候一定要把關。如果唔係啲資源又係唔知去咗邊。到最後或者都係啲門面嘢!

(Visited 42 times, 1 visits today)