被蠶食


個人分享
Tagged With: , , , , , , , , ,

「問題」

近年香港真係有好多唔同嘅社會問題,而最近個幾單我真係無時間逐一去研究,逐一去討論。有一點可以肯定嘅就係香港不斷被蠶食!不論你站係政治嘅左邊定係右邊,又或者你話自己係政治中立都好,香港整體嘅質素不論係邊個層面都不斷下降。你以為自己好安全?唔好意思我諗你真係要諗多次!因為其實係你唔察覺嘅時候已經開始將你慢慢咁蠶食緊。

「蠶食」

好多人會以為我哋係俾政府嘅決策蠶食,而絕大部分嘅時候無可否認佢哋一定係蠶食緊香港社會。只不過我哋又有無諗過係自己蠶食緊自己呢?當然有一啲事同物我哋作為香港人一定去捍衛,不過好多時都係我哋香港人自己攞嚟。繼續咁樣爭拗,到最後就係漁人得利,到時真係埋怨都無用。人絕大部分都係自私,而每當自己嘅利益受到威脅嘅時候先至會走出嚟,但係一切已經太遲了!

「香港」

當然有啲人認為做一啲細微細眼嘅嘢就會冇人知,當然尤其係政府嗰啲所謂嘅政策同諮詢。佢哋嘅小動作真係多到數都數唔晒!有啲人以為依家係幫咗佢哋,但係實質上係利用佢哋。嚟刻以為自己係最大受益者,但係隔幾年之後就淪為受害者。怪就怪你自己當時太過天真,當自己要承擔後果嘅時候就破口大罵。咁仲唔係自己蠶食緊自己?所以香港慢慢就再無自己嘅文化,價值,傳統,等等嘅核心價值。咁唔係好可悲咩?

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]