媽媽會

「展覽」

相信好多就嚟做人父母,或者已經做咗人哋嘅父母,都會最起碼去過嗰啲嬰兒展。因為好多嘢都可以一次過搞掂晒,而我覺得不能開參展商,或者係啲媽媽都好鬼犀利。參展商會用盡所有法寶去吸引你去排隊登記做會員,甚至乎用一啲好吸引嘅優惠俾去展覽會嘅媽媽。入到去真係好似打仗咁,多人到有啲參展商嘅人龍分分鐘要排成個鐘頭。不過有時啲優惠同贈品真係幾吸引。

「贈品」

本來今次嘅嬰兒展都無諗住去,因為之前郭大少未出世,所以去添置佢啲用品。之後嗰次就係佢出咗世之後再去添置之前買漏嘅用品。經過兩次嘅嬰兒展之後,其實都已經好清楚佢哋嘅玩法。而每次去嘅目的當然係試用裝同參展商嘅贈品,就算你唔買嘢都會一袋二袋咁返屋企。今次同老婆去嬰兒展就有計劃同目標,同時咁淨係得我自己,所以兩個人好快就搞掂所有嘢。

「入會」

講真,大部份嘅參展商都會要你填表格加入佢哋嘅媽媽會,因為之後佢哋就可以用電話或者短信去做推廣。而有一啲商戶亦需要你小朋友嘅出生日期,所以佢哋可以按照你個小朋友嘅年齡作更準確嘅推廣。老實講如果我有咁多數據,基本上真係可以推算好多嘢,而透過適當嘅分析,相信要有效做針對性推廣簡直就係無難度。雖然有時知道透露咁多個人資料嘅後果,但係有時都係因為啲產品好吸引,所以好多人都會樂意去提供佢哋嘅資料。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]