點入行

「技能」

到今日為止,好多人都誤以為做數據分析係要數學好叻。事實當然唔係啦!係市場上有好多所謂嘅課程,其實都無一個特定嘅標準。事關做數據分析嚟行要一眼關七,對唔同嘅行業同範疇都要有一定嘅知識。我可以話連行政總裁都未必有佢哋咁勁。但係有幾多人真係可以十項全能呢?所以好多時我都會講你讀邊科唔係太緊要,最緊要係有觀察力,同鍥而不捨嘅耐力。

「入行」

其實一直都有好多人問我,入數據分析嚟行其實要有啲乜野資格,要讀啲乜嘢科目,有乜嘢技能先至得。其實如果你問我,我都真係好難話到比你知。但係一定唔係淨係識用數據分析工具就足夠。反而做數據分析需要一樣好緊要嘅技能就係點樣翻譯數字,令佢變得生動同讓數字將故事串連起嚟。數字自己唔識講嘢,所以係溝通同表達能力都需要一定嘅要求。

「全能」

當然我都希望有十項全能嘅人材,不過你有冇可能識設計,識寫文,識科技,識編碼,識營銷,識推廣,識管理,等等。當然有好多嘢都可以邊做邊學,只係你肯唔肯去學。所以根本上無一個課程係可以令你入行,因此我好多時係請人係睇佢嘅觀察力,理解力,分析力,整理力,學習力同說服力。其他嘅知識其實好多時因為科技發展會慢慢改變,所以可以邊做邊學!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]