搵食啫

「搵食」

每年農曆新年,香港好多地方都會出現新年式嘅夜市,香港人食街邊檔嘅集體回憶一般都只會係農曆新年先至會見體驗到。同時好多嚟啲街邊檔真係只會係嚟幾日先至會做生意,簡稱每年開三日咁大把。其實大家都只係想開開心心過年,而當然有啲人只係想趁新年出嚟搵少少錢。講到尾,街邊檔係香港嘅文化,而政府繼續摧毀香港嘅本土特色。

「開槍」

篤串魚蛋啫,點解要搞成咁呢?錯就錯在食環署過份執法!講真新年流流,人哋都係搵食啫!你可以話啲小販違法,但係係民情洶湧嘅情況下,當然就會變成官逼民反!係都要搞到香港咁嘅樣,大家開開心心過年唔得嘅,個差佬係唔係癲架,向天開兩槍,之後仲要指向啲市民!真係痴孖根!如果當時無開槍,我諗唔會搞到咁激進。本來大家開開心心食嘢變成衝突,何必呢?

「中立」

最心痛嘅事莫過於香港人搞香港人,係都要搞分化。最簡單嘅例子就係睇新聞!唔同人會話唔同嘅報導唔中立,其實如果你有睇記者嘅現場直播,你就會知道邊個唔中立。其實今次嘅事件兩邊都有問題,歸根究底都係日積月累嘅恩怨情仇!好多時啲衝突係未必淨係市民挑起,有時係啲警察。而今次搞成咁其實佢哋係其實都應該檢討下。香港市民去食街邊檔,竟然搞到要開槍示警,嚟個真係我哋嘅香港?

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]