去拜年


個人分享
Tagged With: , , , , , , , , ,

「猴年」

上年郭大少仲係老婆個肚裡面,得個幾個月人仔,話咁快又一年,而家六個幾月。有咗小朋友嘅新年真係有啲唔同,而最開心嘅當然係老人家。一家人熱熱鬧鬧去拜年。而每當係自己嘅本命年通常都會開心啲,好似自己做主角,因為係自己出世嘅生肖,所以特別開心。最緊要嘅就當然係去嫲嫲屋企食傳統福建嘅長壽麵,因為係大時大節先至有得食!

「拜年」

恭喜發財,祝各位「猴年」行大運!最重要就係身體健康,龍馬精神!返緊工嘅你就當然祝你今年升職加薪,而做生意嘅你就梗係生意興隆啦!而小朋友一定係開開心心,學業進步!一如以往,朝頭早去阿爺同阿嬤屋企拜年,之後就去親戚屋企,中間嘅空檔就返屋企影全家福,夜晚再去老婆屋企食開年飯。大年初一真係好忙,但係亦都好開心!

「好累」

今年嘅天氣好似特別好,陽光普照,又唔係太過凍。至少唔駛著到成隻糉咁去拜年!不過依家比起以前細個嘅時候好,拜年唔駛周圍逐家逐戶咁去,好多時都只係團拜。其實咁仲好,因為有咗小朋友之後,真係覺得由朝去到晚真係有啲辛苦,而郭大少朝頭早去完拜年之後已經好累,好眼瞓。所以晏晝返屋企嘅時候佢係車到已經瞓著咗。


Also published on Medium.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]