未收得


個人分享
Tagged With: , , , , , , , , ,

「年尾」

咁呢兩年,每當年尾都好似好鬼忙,但係又唔見得真係發展好好。個究竟點解會咁我真係唔知!其實將近年尾都會經常諗幾時可以收爐,但係有時真係無辦法,為咗係年頭年尾趕工,搞掂埋啲手尾都真係要奮鬥到最後一刻。不過有時真係諗唔明點解個個都知將會放假,但係就梗係要等到最後一刻先至趕工。就算以為做好晒啲嘢可以安心過年,點知往往都硬係要喺一分鐘就有嘢殺出嚟!

「收爐」

今日係羊年最後嘅工作日,好多身邊嘅朋友都係到話收爐。其實我都好想收爐,但係想收都冇得收,因為竟然新年係有嘢要做。希望可以渣渣林咁搞掂佢,如果唔係真係過年都要做嘢。不過有時係度諗,今年市況唔係太好,有得做好過冇得做。只不過真係唔好同我講收爐呢兩個字,因為好似好耐冇嚟支歌仔唱!當然屋企仲有個大老細,所以就算公司有得收,屋企都無得收!

「新年」

點都好,又過咗一年!仲有兩日就到農曆新年,希望係不明朗嘅環境底下可以平穩渡過。當然希望年中無休,無得收爐,但係人總需要休息。所以下次都係早啲同所有人講公司會收爐,如果需要我哋嘅服務可以係收爐前搞掂,唔好下下真係等到最後一分鐘先搞啲嘢。不過我都知道有啲困難,事關真係身不由己,唔通有客戶搵你幫手,唔通唔幫咩。不過有時真係要睇吓係邊個。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]