關公論


個人分享
Tagged With: , , , , , , , , ,

「推廣」

今時今日做推廣同做公關都喺比較辛苦,因為科技而衍生唔同嘅推廣方式,跟得慢啲都唔得。同時依家香港嘅大環境,真係事事要小心,一個唔該就好容易同政治掛勾。當然每個品牌都想同客戶有互動,只不過有時變成政治相關嘅問題就確實有啲難去處理。香港人真係好鬼有創意,一有機會就會發表自己嘅意見。所以到最後搞到好多嘢的品牌都唔敢做。

「災難」

依家真係日日都有啲所謂嘅公關災難,雖然有時我覺得刀無兩頭利,但係如果樣樣嘢都係雞蛋裡面挑骨頭咁就真係好似有啲病態。只不過依家嘅社會風氣再加上社交交媒體嘅影響力同傳播力,真係好難去控制。當然點解最後啲品牌要處理呢啲咁嘅公關災難?原因好簡單,我只可以話俾建議同執行項目嘅團隊唔夠細心,無留意外圍環境。但係講到尾要出到街都要個品牌批准先得。

「公關」

依家做公關真係好慘,因為唔知幾時會踩中地雷!之後就要出嚟救火,但係不時火上加油,就死多幾錢重。有時雖然個問題係其他人製造出嚟,但係到最後都係要公關去處理。有時可以怪得邊個?雖然有啲真係的品牌自己攞嚟,與人無尤!但係有時係有啲人利用品牌給予嘅空間而去大做文章,扭曲咗整件事,搞到啲品牌自我審查,事關大部份嘅品牌都希望保持政治中立!

(Visited 114 times, 1 visits today)

Also published on Medium.