新屎坑

「斷貨」

真係唔知係唔係水波爐效應,好多牌子嘅水波爐都斷貨。而係社交平台有好多人都係度話最近入手嘅水波爐又幾好用。香港地啲地方咁鬼細,要有一部焗爐,一部微波爐同一部蒸爐真係冇乜可能,所以水波爐係三部機集合成一部。本來松下新個部水波爐已經掀起熱話,點知東芝亦都搵咗 Kit Mak 做代言人。我真係有理由相信因為美女廚神效應,搞到東芝部水波爐斷晒貨!

「好彩」

真所謂「新屎坑三日香」,星期一係咁搵邊到有東芝嘅水波爐買,因為全線斷貨,最快都要等到二月尾先有貨。死好彩,係我鍥而不捨係咁搵嘅時候竟然搵到一部現貨。二話不說就渣渣林揸架車去攞貨,之後因為夜晚要教書,所以返到屋企食完飯,洗完碗,做完嘢就即刻開光。搞到三更半夜係度整 Kit Mak 設計嘅黃金奶黃年糕!咁仲唔係新屎坑?

「食譜」

我自己一般都係用西式嘅煮食用具,之前老婆入手咗法國某個品牌嘅廚具,而煮嘢嘅方法相當唔同,所以要係網上面搵食譜。好啦而家多咗部水波爐,又係時候搵食譜。不過好彩東芝搵咗 Kit Mak 做代言,之前跟佢整嗰啲菜式都相對比較易,而買爐之前已經睇到阿Kit啲食譜,所以嚟緊應該會有好多好嘢食!所以唔好等,早買早享受!我應該會跟住阿Kit啲食譜逐樣整!

如果大家有興趣可以去 Kit Mak 個 Facebook 專頁:
Kit 巡Kitchen

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Click to share on Facebook (Opens in new window)Click [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Click to share on Facebook (Opens in new window)Click [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Click to share on Facebook (Opens in new window)Click [...]