細頭症


個人分享
Tagged With: , , , , , , , , ,

「病毒」

寨卡病毒係一種蚊媒病毒,屬黃病毒類型,一九四七年首次係非洲國家烏干達嘅猴子體內發現。而病毒係因為寨卡森林而命名。過去係中非、東南亞等地都有人類感染病例,但情況無今次咁嚴重。最重要係有間接嘅證據顯示,如果孕婦感染係可以引致胎兒患上先天性小頭畸形症,腦部比正常尺寸小。小頭畸形症嬰兒會出現嚴重嘅神經及智能缺陷等,甚至會夭折。

「寨卡」

真係唔係講笑,我認真覺得大家好似仲未知道寨卡病毒嘅疫情有幾咁嚴重!就算你未做人哋嘅父母,睇完啲新聞你應該都會感到痛心。認真咁講,要一個新生命誕生真係唔係咁簡單,仲要佢哋安全咁嚟到呢個世界其實係無想像中咁容易。依家巴西多個地區蚊患嚴重,而當地有超過二千名嬰兒懷疑受感染。由此可見疫情相當嚴重!近日疫情亦有蔓延趨勢,希望可以快啲控制疫情啦!

「治療」

寨卡病毒目前仲未有預防疫苗,但係多個國家正在着手研發。不過要進一步認證並且提供公眾使用,最起碼需要十年以上。與此同時小頭畸形症係一個不治之症,影響深遠。作為父母,見到啲初生嬰兒患有咁嘅病真係心酸。如果大家已經懷孕,真係真係唔好去嗰啲地方,同時要做好防蚊措施!今年仲要係巴西舉行奧運,真係希望當局處理好個邊啲衛生問題,唔好等疫情惡化!

(Visited 259 times, 1 visits today)