車厘子

「好味」

有時真係幾得意,係澳洲嘅時候好少食車厘子,但係因為見到啲人去果欄買啲好鬼大粒嘅澳洲車厘子返屋企食,所以同老婆都試下。一試之下真係無得返轉頭!不過最大問題係你要一盒一盒咁買,我哋兩個人食都要食幾日。當然咁樣買嚟食一定抵過係出面超級市場咁買。講真粒車厘子有成個一蚊銀咁大真係好好食,最重要嘅係真係好鬼甜囉!所以依家每年都會去果欄買嚟食

「果欄」

前一排我身邊好多朋友都一個二個分享佢哋去果欄買咗嗰啲車厘子有幾大粒,有幾好食嘅相片,攪到我都忍唔住去咗買。好多人其實都開始識得去果欄買生果,而好多身邊嘅朋友都耐不耐問我去邊間買。其實我一般會去埋幾樣嘢,當中包括日本水蜜桃,日本士多啤梨,泰國貓山王,澳洲車厘子,等等。全部都比起超級市場平同靚,所以如果你去過果欄買生果嘅話,你就唔會再去幫襯超市!

「點揀」

其實我通常都係去兩三間買,因為貪佢人流多,貨亦流通得快,感覺會新鮮啲。而點樣揀車厘子,咁就好睇你個人喜好,因為我鍾意買最大粒嗰隻,大約三十二至三十四厘米個啲大細。事關會好有口感,食得爽啲!之後你一定要叫佢哋開箱俾你睇,重要睇箱底嗰啲,因為有時表面好靚,下面個啲有可能唔靚甚至乎爛嘅都會有。返到屋企一定放入雪櫃,食先拎出嚟,咁就可以擺兩三日。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]