好難得

「講座」

今日俾一位朋友邀請去一個關於社交媒體同數據分析嘅講座做講者,當然數據應用越嚟越廣泛,好多人都想知道點樣可以善用數據。其實今年開始大家都係度講緊數據整合,再唔係好似前幾年咁淨係分析單一嘅數據,而數據整合平台將會係大趨勢。如果再停留係網上同手機數據其實已經有啲落後。希望今晚之後有更多人會投放資源係數據整合嘅平台,亦都希望大家今晚唔係兩手空空而回!

「講者」

好耐都無出去講座,今晚係今年嘅第一次,事前只辦單位好緊張無人報名。事實係好多朋友都嚟撐場,真係萬二分感激!當然重點不是我,而係有個靚仔專程嚟香港講數據。今晚係一個好難得嘅機會,因為看我無見嘅朋友都有出席,同時都係第一次同老婆一齊出席呢啲活動。感覺有啲緊張,因為自從讀書同幾年前搞嘅論壇之後,好耐無同老婆一齊做嘢。希望冇失準啦!

「難得」

難得今晚有咁多朋友出席,當然要把握機會同朋友聚一聚,因為真係好耐無見過佢哋。不過做完講座之後就當然係立刻返屋企湊仔。而今晚真係第一次叫外母睇住郭大少一晚,等我同老婆有幾會一齊出席。如果唔係又係我自己一個,揼低個仔比老婆去做嘢。有時當然係希望老婆了解多啲我工作上面嘅嘢,所以今次亦係難得嘅機會。雖然未必可以同所有人傾偈,不過希望今年會多啲咁嘅機會啦!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]