十年後


個人分享
Tagged With: , , , , , , , , ,

「電影」

相信好多人最近都會討論一套電影「十年」,而係未上映之前已經有留意到嚟套戲。好多人都會話人生有幾多個十年,而十年後香港會變成點?雖然我仲未得閒去睇套戲,但係淨係睇宣傳片就已經反映咗好多現今香港社會嘅問題。係唔係誇張咗?其實一啲都唔誇張!因為過去十年,香港好多嘢已經慢慢咁改變,就好似我哋係地球表面咁,感覺唔到個地球係到自轉緊。

「十年」

十年人事幾番新,有可能你會覺得一動不如一靜,好多嘢都唔係自己可以改變,甚至乎身不由己。但係只要你清楚知道自己嘅方向,目標清晰,其實命運係可以掌握係自己手上。最緊要唔好認命,唔好怕離開自己嘅安全網,唔好以為唔做唔錯,因為有時唔做先錯!我好清晰我自己嘅過去嘅十年同將來嘅十年。當中雖然做咗一啲好錯嘅決定,但係最後都能夠撥亂反正,咁就已經足夠!

「反思」

依家嘅社會其實係需要反思,而「十年」入面有五個故事,由五位導演拍攝,再帶出五個問題。係唔係似曾相識?定一或係預言?咁就真係見仁見智。不過電影入面嘅五個問題,「將來,我們會面對從哪兒來的恐怖襲擊?」,「當保育意識走到盡頭,我們還能保護什麼?」,「廣東話日漸衰微,怎樣影響小市民的生活?」,「十年後,香港會出現自焚者嗎?」,「我們的下一代,要學的是什麼?」,都係一啲好貼身嘅問題值得我哋思考!


Also published on Medium.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]