宮崎駿

「電影」

係宮崎駿嘅電影入面都會經常出現人類對於大自然及科技之間嘅關係,而且好強調兩者之間好多時都好難維持和平主義嘅倫理。宮崎駿曾經講過「自然係好殘忍,會否定文化或者文明,唔好以為努力環保就可以,非常有可能令結果完全相反」。與此同時宮崎駿嘅女性主義思想經常反映係佢嘅電影當中,所以好多主角都係堅強而且獨立嘅女仔。好多時嚟啲題材都會令我哋反思

「粉絲」

相信好多人同我一樣都係宮崎駿嘅粉絲,雖然好多人都會係注重佢嘅畫功有幾靚,久石讓嘅配樂有幾好聽。不過有幾多人認真去理解宮崎駿係每套動畫背後想表達嘅訊息。有時甚至乎聽到有啲人睇完套動畫之後話唔明佢講乜,其實有時真係睇一次未必會明,但係睇多幾次留意返啲細位,慢慢就會明白固中嘅意思。而當中我最鍾意嘅係佢執導嘅「風之谷」同「幽靈公主」。

「作品」

雖然宮崎駿經講佢嘅作品係最後嘅作品,但係作為一個粉絲當然唔希望有嚟一日。因為佢嘅地位真係好難搵人可以代替,而當你睇返佢執導嘅電影,再對比佢有份參與嘅電影,你會好明顯睇得出個分別喺邊度。當然唔知佢仲會唔會執導新嘅動畫,但係最後嘅作品「風起了」真係估唔到佢會用當年二次大戰日軍嚟做題材。我相信真係唔係個個日本人都會咁勇敢去用動畫去討論嚟啲話題。

(Visited 129 times, 1 visits today)

Also published on Medium.