假自首


個人分享
Tagged With: , , , , , , , , ,

「自首」

真係估方丈唔到,竟然無啦啦又再嘗試平息銅鑼灣書局失蹤事件。今次竟然係話桂敏海係好多年前因為揸車撞死咗個女大學生。而佢因為怕要坐監,所以畏罪潛逃,但係又無啦啦話自己負罪感同愧疚感與日俱增,所以自願返中國自首。最神奇嘅係件事係透過央視嘅獨家專訪播出桂敏海嘅訪問,而佢係訪問入面不斷話事件被炒作,話係個人自願嘅選擇,與任何人無關。真係有無人信呀。。。

「故事」

銅鑼灣五人失蹤事件真係越嚟越搞笑,唔通方丈當我哋啲香港人係傻嘅?整件事到今時今日其實仲未釋除香港人對桂敏海,李波同其他三人嘅失蹤嘅疑慮。原因好明顯就係疑點實在太多,無啦啦五個人失蹤,無啦啦有人報平安,無啦啦話用自己嘅方法返中國,無啦啦話撞死咗人去自首。件事真係越解越令人憂慮!真係有冇咁啱得咁橋呢?整個故事真係疑問百出,同無綫嘅編劇有得揮!

「平息」

事件到今時今日真係越描越黑,唔做好過做。如果中國政府真係想平息事件,真係唔好再將一啲唔合理嘅解釋合理化,因為問題只會越鬧越大。由李波嘅家書到桂敏海嘅訪問,一次又一次令香港人不安,而最重要嘅係到今時今日仲未有一個合理嘅解釋。不論係中國政府,甚至乎香港政府都無一個人可以企出嚟同香港市民講究竟發生乜嘢事。今次仲要巧合到訪問一出,家書隨即送到,真係橋到講都唔信!


Also published on Medium.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]