周子瑜


個人分享
Tagged With: , , , , , , , , ,

「身份」

人嘅身份其實係無得揀,因為你一出世就已經註定你係邊個國家嘅人。與此同時每個人嘅根係無得改變!但係要一個人去認同一個被強迫嘅身份,不單止係野蠻嘅行為,就算強迫到有點,根本就係唔服!一個人對自己嘅血統或者民族要感到自豪嘅話係要發至內心,咁先係只會強大。如果係因為某啲利益而要低頭同屈服嘅話,咁真係好可悲!所以點嘅中國仲未可以實現一個中國嘅宏願!

「台灣」

原本今晚應該係講台灣選舉,但係因為今日睇到呢篇報道真係唔講唔得!不過係度先恭喜蔡英文以大比數當選成為台灣第一位女總統!好啦講返周子瑜,首先點解要道歉?唔通因為揮舞中華民國國旗就代表台獨?就係因為咁佢係中國被封殺,亦都令佢嘅經理人公司一同被抵制。講真如果係咁中國人真係唔好移民,因為移咗民以佢哋嘅標準就唔係中國人,事關人哋都係其他國家揮動人哋嘅國旗!

「道歉」

講真點解要道歉?最簡單嘅解釋就當然係中國嘅強大市場令大家覺得無咗佢唔掂!講到尾咪又係錢!係全世界都有好多華人,而佢哋嘅祖先其實都係中國人,只不過佢哋以前出國而且定居喺唔同國家,但係骨子裏咪又係中國人。一個國家要富裕,除咗錢之外就係人民嘅質素。睇完條片好明顯周子瑜係俾佢公司逼佢拍條片啦。正如網民話齋,咁嘅經理人公司真係算吧啦!淨係為錢而屈服,連自己嘅身份都忘記!


Also published on Medium.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]