真洗版


個人分享
Tagged With: , , , , ,

「創作」

真係痴咗線,如果你話二次創作係犯法嘅話,咁毛記電視真係完完全全咁違反版權條例,甚至乎違反香港人嘅常理!整個第一屆毛記電視分獎典禮根本上就係完美嘅示範二次創作係依家嘅新世代嘅文化!一個新嘅年代,一個超乎想像嘅分獎典禮,真係就算忙緊執嘢搬屋都要同老婆邊執嘢邊睇直播邊支持。由頭輸到落尾!講真唔真係唔抗拒嗰啲植入式廣告囉,至少唔會好似家鄉雞咁!

「洗版」

由分獎典禮好似前幾個鐘頭已經係咁被人洗版,我好相信無綫應該收視大跌。真係冇諗過蜆殼會冠名贊助,真係非常勇敢!佩服佩服!因為真係唔係好多國際公司會有可能說服高層去贊助非主流媒體!另外估都估唔到嘅係竟然 NowTV 會免費現場直播,真係冇得頂。好多人平時唔睇都特登裝返個手機程式睇直播!你話係唔係癲咗?最變態嘅係全世界今日都喺度洗版!

「推翻」

今次一百毛同毛記電視證明咗啲乜?世事無絕對,好多人唔認同嘅做法都一一推翻!無贊助?有蜆殼!無直播?有 NowTV!無人睇?有廢青!無版權?有創作!雖然係萬中無一,但係咁又點?因為我哋大家都好鍾意惡搞,二次創作!講真主流媒體今次真係收得皮,就連植入式廣告都做到淋漓盡致!不過大家唔開心一日好啦,因為真係慢慢長路!最起碼如果網絡二十三條通過嘅話,我哋就真係無得笑㗎啦!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]