廣東話

「方言」

作為一個香港人,當然係講廣東話啦。而廣東話係我哋香港嘅文化,就算係廣東省,佢哋講嘅廣東話同香港都有啲出入。其實每個地方嘅語言係代表嗰個地方嘅文化。如果連有一日香港嘅第一語言唔係廣東話嘅話,咁香港仲係香港嗎?其實廣東話係全世界最難學嘅語言之一,事關單係音調就已經有八至十個。除咗普通話之外,唯一係外國大學有獨立研究嘅語言就係廣東話。

「母語」

每個人出世嘅地方都有自己嘅語言,而點解香港人嘅母語係廣東話,其實好簡單!因為香港人係講廣東話。而中國本身就有唔同嘅方言,雖然話普通話係中國嘅官方語言,但係傳統中國方言已經分為南北,即係好多人認知嘅「南腔北調」。如果我哋再細分就可以分爲「七大方言」,而粵語係其中之一。如果要香港嘅母語變成普通話嘅話,咁等同廢除地方文化有乜分別?

「捍衛」

作為香港人當然就係要捍衛廣東話啦,廣東話一定係我哋嘅第一語言。當然唔同國家嘅人都可以去學其他語言,就正如英文,日文,德文,等等。每個人長大咗之後都可以選擇。唔通其他國家又會嚴禁自己嘅方言?其實因為中國政府官方嘅語言係普通話,而係教育方面亦都係以普通話教學,所以慢慢好多地方嘅方言其實已經慢慢消失。雖然香港曾經推廣母語教學,但係你睇下而家變成點,真係搵著啲小朋友嚟搞。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]