採用咗


個人分享
Tagged With: , , , , , , , , ,

「方法」

其實真係幾得意,而我亦留意咗好耐。每次香港有啲大事發生,我哋個位特首都會先摺埋幾日,然之後突然就會出嚟見記者。通常都係用一個非常之官方嘅態度去解釋已經發生咗幾日嘅事件。最特別之處係每次佢講完嘢嘅一兩日都會有突破性發展。講真有無咁啱得咁橋呀?次次都係咁?今次失蹤嘅案件又係咁,佢出嚟講完嘢之後就收出現咗一封平安信,兼且去撤銷案件?真係咁橋?唔會啩。。。

「採用」

銅鑼灣書局件事越嚟越離奇,首先「採用自己的方式失蹤」再「採用自己的方式報平安」然後「採用自己的方式銷案」?其實乜嘢叫做「採用自己的方式」?嚟個問題應該無人會明,因為我哋「採用自己的方式」去理解事件。而嚟件事反映咗更多香港嘅問題,而你問我香港仍然適唔適合居住嘅話,我會選擇「採用自己的方式」離開嚟個城市。因為香港嘅問題真係多不勝數!

「問題」

講咗咁耐,真係實在有太多太多嘅疑問。究竟嗰幾個人而家去咗邊?到現時為止都淨係得李波一個人所為嘅消息。究竟點解收到信就去銷案,邊個係第三方?就連警方都搵唔到佢,一個家庭主婦竟然有辦法知道佢老公嘅消息?另外特首講到如果公安係香港執法就係違反咗基本法嘅話,咁講咗咁耐嘅一地兩檢又係唔係違反基本法?呢件事真係衍生無限量嘅問題,但係到最後或者都係不了了之。

(Visited 49 times, 1 visits today)